Si ndodhi plagosja e mbrëmshme në Prishtinë

Policia e Kosovës ka dhënë detaje të reja rreth plagosjes së mbrëmshme që ndodhi në Prishtinë.

Përmes raportit 24 orësh, thuhet se deri te plagosja ka ardhur si pasojë e një mosmarrëveshjeje.

Rasti ka ndodhur mbrëmë rreth orës 21:09, në rrugën “George Bush”.

“Është arrestuar i dyshuari mashkull kosovar, pasi që i njëjti ka shtënë me armë zjarri në drejtim të viktimës mashkull kosovar, të cilit i ka shkaktuar lëndime. Deri te rasti ka ardhur pas një mosmarrëveshjeje që kishin mes vete. Viktima është dërguar në QKUK për tretman mjekësor nën përkujdesje policore”, thuhet në njoftim.

I dyshuari është arrestuar dhe me urdhër të prokurorit është dërguar në mbajtje.