Zyrtarisht është hapur shkolla shqipe në një qytet të Italisë, duke kontribuar në mësimin e gjuhës shqipe dhe kulturës, transmeton albinfo.ch.
Me të hapur kjo shkollë, mësimet për gjuhën shqipe kanë nisur me mbi 45 nxënës.
Edhe gazeta La Nazione ka raportuar për përurimin e shkollës së parë të kulturës dhe gjuhës shqipe në Firence nga Shoqata “Adriatiku”, ku mori pjesë edhe Ambasadorja e Republikës së Kosovës në Itali, Nita Shala.
Pjesëmarrja e Ambasadores Shala në këtë aktivitet, që tashmë numëron mbi 45 nxënës, ishte në shenjë mbështetjeje ndaj fuqizimit të vazhdueshëm të mësimit të shqipes në mesin e diasporës shqiptare në Itali.
