Përfundon intervistimi i Sami Lushtakut, i konfiskohet telefoni

Sami Lushtaku, FB

Nënkryetari i Skenderajt, Sami Lushtaku disa orë më herët u ndalua nga ana e pjesëtarëve të EULEX-it e u dërgua për intervistim nga Zyra e Prokurorit të Specializur. Ai është larguar nga objekti i EULEX-it.

Avokati i tij, Artan Çerkini, ka konfirmuar se Lushtakut i është konfiskuar telefoni.

“Ky veprim bie ndesh me ligjin. Sami Lushtaku nuk e ka statusin e të dyshuarit, prandaj atij i është cenuar privatësia pasi i është marrë telefoni”, ka thënë avokati, duke paralajmëruar ankesë në Dhomat e Specializuara./Koha.net