Për 2 javë, 15 mijë gjoba

Që nga hyrja në fuqi e ligjit për kundërvajtje në komunikacion në Kosovë më 1 janar, vetëm në dy javët e para të vitit 2018-të, u shqiptuan mbi 15 mijë tiketa trafiku.

Sipas Policisë së Kosovës, në raportin zyrtar 24 orësh të tyre, nuk është figuruar asnjë aksident me pasoja fataliteti, raporton “Klan Kosova”.

Megjithatë, bëhet e ditur, që vetëm përgjatë 24 orëve të fundit, policia ka shqiptuar 1149 tiketa trafiku ndaj ngasëse që nuk iu janë përshtatur kushteve në komunikacion, përcjell albinfo.ch.

Po ashtu raportohet se ka 22 persona të arrestuar.

Ditë më parë Policia e Kosovës ka ndërmarrë edhe një aksion, duke i fotografuar veturat që hynë ‘në të kuqen’, dhe duke i gjobitur vozitësit.