Pejë: Policia arreston personazhin e TikTokut për abuzim seksual

Pixabay

Të hënën, një prej personazheve shqiptare të njohura të TikTokut (V.B.) ka publikuar një video, e cila është bërë virale. Ai shihet duke abuzuar me një të mitur.

Ai të martën është arrestuar nën dyshimin për abuzim seksual.

Policia e Pejës ka njoftuar për arrestimin, duke thënë se i dyshuari është ndaluar për 48 orë.

“Pasi që kemi vërejtur në rrjetet sociale qarkullimin e një video-incizimit të abuzimit seksual, Stacioni Policor – Klinë menjëherë ka ndërmarrë masat e nevojshme dhe sot në orët e mëngjesit e kanë identifikuar dhe arrestuar personin e dyshuar. I njëjti pas intervistimit nga hetuesit me urdhër të prokurorit të shtetit është ndaluar për 48 orë”, thuhet në përgjigjen e Policisë së Pejës për KOHËN.

Video për të cilën është arrestuar ky person është fshirë edhe nga TikToku./Koha.net