Bota
“Pegida” edhe në Zvicër, shtohen zërat për një tubim në shkurt
Dega është themeluar javën e kaluar dhe mori emrin e grupit gjerman "Pegida" – “Patriotët evropianë kundër islamizimit të Perëndimit".

Si drejtues i Pegides zvicerane është thënë të jetë 19-vjeçari, Ignaz Bearth, të cilin e ndjekin 30 mijë njerëz në rrjetin social në Facebook. Ai është pak i njohur me politikën zvicerane. Më 2012 ka themeluar partinë politike DPS, që është edhe kryetar, i orientuar nga e dhjathta.
Pegida zvicerane ka paralajmëruar një demonstratë antiislam më 16 shkurt.
Ndërkohë në Gjermani, Pegida po vazhdon të sfidojë politikën. Një tjetër demonstratë antiislam është mbajtur të hënën në Dresden, pak ditë pas sulmeve terroriste në Paris.
Njerëzit u mblodhen pavarësisht thirrjeve të politikanëve gjermanë që manifestuesit të qëndronin në shtëpi. Ministri i Drejtësisë, Heiko Maas, kishte apeluar që qytetarët të mos i bashkoheshin tubimit të grupit “Pegida”.
Ai i kishte bërë thirrje me zë të lartë grupimit në fjalë që të mos i keqpërdorte ngjarjet ndaj “Charlie Hebdo” dhe dyqanit hebraik në kryeqytetin francez.
Megjithatë, mitingu u zhvillua, me pjesëmarrësit që u mblodhën në qytetin lindor, duke mbajtur parulla me të cilat shprehnin solidaritet me karikaturistët francezë të vrarë nga militantët islamikë. Gjithashtu, një minutë heshtje u mbajt në nder të tyre.
Në një miting të javës së kaluar Pegida, siç njihet ndryshe grupimi “Patriotët evropianë kundër islamizimit të Perëndimit”, mblodhi 18 mijë manifestues. Por një antimiting i organizuar nga autoritetet lokale të Dresdenit ditën e shtunë mblodhi rreth 35 mijë persona.
Ndërkohë, kancelarja gjermane, Angela Merkel, paralajmëroi se të martën do të marrë pjesë në një miting të organizuar nga komuniteti mysliman në Berlin kundër vrasjeve në Paris.
“Islami është pjesë e Gjermanisë dhe unë jam kancelare e të gjithë gjermanëve”, ka deklaruar Merkel.
E-Diaspora
-
Si ndodhi që shqiptarët të vendosin zgjedhjet në tri komuna të Gjenevës? Disa e shohin këtë fenomen si një dëshmi të integrimit, të tjerë kanë ngritur shqetësime mbi...
-
Tre shqiptarë akuzohen për 500 kg. kokainë, me vlerë 60 milionë franga
-
Der Bund: “Politikani i SVP-së, Korab Rashiti, ndërhyn në politikën e Kosovës”
-
U shënua 35 vjetori i Pajtimit të Gjaqeve, një lëvizje që bëri historinë
-
Marrëveshja e pensioneve Shqipëri-Itali: Si do të përfitojnë mbi 500 mijë shqiptarë dhe italianë?
Jeta në Austri
-
Austria planifikon ngrirjen e përfitimeve familjare për shkak të masave shtrënguese Shtesat familjare në Austri mund të mos rriten më me inflacionin duke filluar nga viti 2026,...
-
Fuqia punëtore emigrante e Austrisë: Kush gjen punë shpejt dhe kush jo?
-
Austri: Ministrja austriake mbron ndalimin e shamisë për vajzat nën 14 vjeç
-
Austri: Kritikët e shohin si të vonuar reformën e pensioneve
-
Mbi 6.1 milionë shkelje të shpejtësisë në Austri në 2024-ën