Parashikimi i motit për sot në Kosovë

Instituti Hidrometeorologjik i Kosovës njofton se sot mbi vendin tonë do të mbajë mot kryesisht i qetë, me vranësira dhe me intervale kohore me diell.

Sipas IHMK-së, temperaturat minimale do të lëvizin ndërmjet 4-8 gradë Celsius, ndërsa maksimalet e ditës parashihen të lëvizin ndërmjet 19-22 gradë Celsius.

“Gjatë këtyre dy ditëve të vikendit parashihet mot kryesisht i qetë, me vranësira dhe intervale me diell. Temperaturat minimale do të lëvizin ndërmjet 4-8 gradë Celsius, ndërsa maksimalet e ditës parashihen të lëvizin ndërmjet 19-22 gradë Celsius. Do të fryjë erë e lehtë deri mesatare nga drejtimi verilindjes dhe juglindjes”, thuhet në njoftim.