Parashikimet e Bill Gates që u bënë 25 vjet më parë e që sot janë realitet

Në kapërcyell të mijëvjeçarit të ri, Bill Gates, bashkëthemelues i Microsoft, bëri një sërë parashikimesh teknologjike në librin e tij “Biznesi me shpejtësinë e mendimit”. Sigurisht, kjo nuk do të thotë që Gates është Nostradamus, por që edhe në vitin 1999 ai kishte një kuptim të thellë të teknologjisë dhe drejtimit në të cilin do të lëvizte ajo.

Këto janë disa nga parashikimet e tij që u realizuan.

Faqet e internetit të krahasimit të çmimeve

Gates parashikoi zhvillimin e faqeve të internetit që lejojnë krahasimin e çmimeve të produkteve të ndryshme. Sot, platforma të tilla e bëjnë të lehtë gjetjen e ofertave më të mira në pothuajse të gjitha industritë.

Telefonat celularë

Në librin e tij, Gates parashikoi praninë e kudogjendjes së telefonave celularë. Ai ka shkruar se çdo ditë do të mbajmë pajisje të vogla që do të na lejojnë të jemi të lidhur vazhdimisht dhe të punojmë kudo që jemi.

Shërbimet financiare Online

Gates parashikoi që njerëzit do të paguanin faturat, do të menaxhonin financat dhe do të komunikonin me mjekët në internet. Sot, ne përdorim shërbime të tilla si shërbime bankare në internet dhe shërbime të telemjekësisë që e bëjnë më të lehtë menaxhimin e financave dhe shëndetit.

Asistentët virtualë

Edhe pse ai nuk i parashikoi saktësisht Alexa dhe Siri, Gates parashikoi asistentë personalë që do të sinkronizonin pajisjet, do të mblidhnin informacione dhe do t’i bënin detyrat e përditshme më të lehta për njerëzit.

Sistemet e mbikëqyrjes në shtëpi

Gates parashikoi transmetime të vazhdueshme video që do të na njoftonin kur dikush viziton shtëpinë tonë në mungesë. Pajisjet e sotme si sistemi Google Nest e bëjnë të mundur këtë.

Rrjetet sociale

Gates përshkroi faqet e internetit private për familjen dhe miqtë. Megjithëse rrjetet sociale si Facebook dhe Instagram nuk janë plotësisht private, ato lejojnë lidhje të vazhdueshme me njerëzit.

Reklamat e gjeneruara automatikisht

Gates parashikoi softuer që do të sugjeronte oferta dhe aktivitete për destinacionet bazuar në aktivitetet dhe blerjet tona. Sot, algoritmet e reklamave përdorin të dhëna të ngjashme për të përshtatur reklamat sipas interesave tona.

Reklamat inteligjente

Ai parashikoi që pajisjet do të njihnin zakonet tona të blerjeve dhe do të shfaqnin reklama bazuar në preferencat tona. Kjo formë e reklamimit të synuar është shumë e pranishme sot në internet.

Lidhjet gjatë transmetimit televiziv

Gates parashikoi që transmetimet do të përfshinin lidhje me faqet e internetit përkatëse dhe përmbajtjen e lidhur me programin. Transmetimet e sotme shpesh ofrojnë kode QR ose URL që i drejtojnë shikuesit drejt informacioneve shtesë.

Software për komunitetet e biznesit

Ai parashikoi platforma që do të lejonin kompanitë të konkurrojnë për projekte dhe bashkëpunime. Sot, platforma si Upwork dhe Fiver e bëjnë të lehtë për bizneset e vogla të gjejnë klientë dhe të punojnë.

 

 

---