Pacolli, shkak për bojkotimin e “Epopesë së UÇK-së” nga veteranët

Ashtu siç ishte paralajmëruar, shoqatat e dala nga lufta, kanë bojkotuar sot manifestimin qendror “Epopeja e UÇK-së” të mbajtur në Prekaz, në shenjë revolte për praninë e presidentit Behgjet Pacolli. Ato thonë se Pacollin nuk e njohin si president pasi, sipas, tyre ai duhet të japë sqarime për deklaratat e tij dhënë mediave ndërkombëtare.

Drejtues të këtyre shoqatave bojkotimin e kishin paralajmëruar të premten, ndërsa Pacolli ishte i vendosur për të marrë pjesë në këtë manifestim që nisi me parakalimin e tij para pjesëtarëve të FSK-së.

Pacolli aty tha se dëshmorët e kombit kanë vendosur themelet e shtetit, ato janë të forta falë gjakut të tyre.