Kosova

Osmani për tërmetin: Kosova, e gatshme ta ndihmojë Turqinë

Presidentja e Kosovës: Jemi të gatshëm të ofrojmë mbështetje Turqisë nëpërmjet FSK-së

Presidentja e Republikës së Kosovës, Vjosa Osmani, ka reaguar pas tërmetit të fuqishëm, i cili e goditi sot Turqinë, përcjell albinfo.ch.

Ajo ka thënë se Kosova është e gatshme të ofrojë mbështetjen e nevojshme edhe nëpërmjet FSK-së.

“Bashkëndjej me të gjitha komunitetet e prekura nga tërmeti shkatërrues në Turqi. Ngushëllimet më të thella për të gjitha jetët e humbura dhe u uroj shërim të shpejtë të gjithë të lënduarve. Solidaritet i plotë me popullin e Turqisë. Republika e Kosovës është gati të ofrojë mbështetjen e nevojshme edhe nëpërmjet FSK-së”, ka theksuar presidentja Osmani.