Organizimet për festën e Krishtlindjeve

Besimtarët e krishterë, sot festojnë Krishtlindjet, e cila ndryshe njihet edhe si ditëlindja e Krishtit.

Ditëlindja e Krishtit shënohet më 24 dhe 25 dhjetor, ku mesha kryesore e Krishtlindjeve fillon në ora 24:00, përcjell albinfo.ch.

Për nder të kësaj feste, Ipeshkvia e Kosovës organizon aktivitetet e përhershme.

Në Katedralen “Shën Nënë Tereza” në ora 18:00 zhvillohet pritja solemne, kurse në ora 23:30 mbahet Koncerti i Krishtlindjeve nga fëmijët e Famullisë së Prishtinës dhe nga ora 24:00 fillon mesha solemne.

Mesha dhe ceremoni festive do të ketë edhe më 25 dhjetor. Kjo festë do të festohet edhe në vendet e tjera të botës, ku do të ketë shumë organizime.