OKB: Mbi gjysmë milioni njerëz në Gaza, në prag të urisë

Keystone EPA/HAITHAM IMAD

Të paktën 576 000 njerëz në Gaza, një e katërta e popullsisë, janë një hap larg urisë, deklaroi Ramesh Rajasingham, nënkryetar i agjencisë humanitare të Kombeve të Bashkuara (OCHA).

Sipas OKB-së, ”një në gjashtë fëmijë nën moshën dy vjeç në Gazën Veriore vuan nga kequshqyerja akute dhe pothuajse të gjithë 2,3 milionë njerëzit në enklavën palestineze mbështeten në ndihma ushqimore, “mjerisht të pamjaftueshme për të mbijetuar”, transmeton ansa, përcjell albinfo.ch.

Rajasingham shtoi se ”Kombet e Bashkuara dhe grupet humanitare përballen me pengesa të mëdha vetëm për të marrë minimumin e furnizimeve në Gaza”.