OBSH: Rënia e rasteve në Kosovë mund të jetë false

KEYSTONE/EPA/VALDRIN XHEMAJ

Isme Humolli, përfaqësuese e Organizatës Botërore të Shëndetësisë në Kosovë, thotë se bashkëpunimi i OBSH-së me institucionet e Kosovës ka qenë shumë i mirë.

Ajo ka shprehur shqetësim për numrin e lartë të rasteve aktive, pasi janë më shumë se 3 mijë persona dhe mund të konsiderohen vatra të përhapjes së virusit.

“Jo vetëm Kosova, por edhe rajoni duhet të vazhdojë me masa kufizuese. Vendosja e maskës dhe mbajtja e distancës është detyruese. Lirimi i masave nuk rekomandohet. Kemi një rënie të lehtë të rasteve gjatë javës së fundit, por nuk guxojmë të relaksohemi, pasi mund të jetë një rënie false, ngase në raport me numrin e banorëve, testimi është i ulët dhe nuk e dimë shkallën e përhapjes së virusit në komunitet”, tha Humolli për Euronews Albania, përcjell Albinfo.ch.