Një vaksinë do të eksperimentohet tek 9 mijë brazilianë

Brazili, vatra e nxehtë e pandemisë Covid-19 në Amerikën Latine, ka autorizuar testimin e vaksinës së mundshme të koronavirusit të zhvilluar nga ndërmarrja kineze Sinovac, e cila do të përdoret tek 9000 vullnetarë në vend, përcjell albinfo.ch.

Agjencia Kombëtare e Mbikëqyrjes së Shëndetit (Anvisa) deklaroi se testet e vaksinës së mundshme, të marra nga “llojet joaktive” të patogjenit, do të shërbejnë për vlerësimin e sigurisë dhe efikasitetit të tij në imunizimin kundër Covid-19.

Testimet do të kryhen te 9 mijë persona në shtetin e San Paolo, më i godituri nga pandemia në Brazil, Rio Grande do Sul, Minas Gerais, Paranà dhe Brailia.

Kjo është hera e dytë që autoritetet shëndetësore braziliane testojnë efikasitetin e një vaksine kundër koronavirusit, pasi autorizuan studimet në muajin qershor të produktit të Universitetit të Oxford, bashkë me shoqërinë farmaceutike Astra Zeneca.

Në Brazil numri i viktimave deri tani ka shkuar në 64.900, ndërsa i infektimeve në 1.604.585, duke u renditur i dyti në botë, pas SHBA-së.