Një kosovar 42 vjeçar është vrarë sot në mëngjes në qendër të qytetit St. Gallen

Foto: policia kantonale St. Gallen

Të enjtën rreth orës 5 të mëngjesit është vrarë në rrugën Webergasse një kosovar, njofton policia e qytetit, shkruan albinfo.ch.

Sipas hetimeve të para të policisë, viktima ka qenë duke ecur nga rruga Webergasse në drejtim të rrugës Multergasse ku në udhëkryq viktima është përballur me dorasin.

Vrasësi ka shkrepur më së paku një plumbë në drejtim të viktimës dhe pastaj ka marrë arratinë në drejtim të sheshit Gallus, njofton policia, përcjell albinfo.ch.

Viktima ka ndërruar jetë në vendngjarje megjithë reagimin e shpejt të ndihmës së parë nga mjeku emergjent.

Sipas policisë, viktima është një kosovar 42 vjeçar pa adresë të rregulltë në Zvicër. I ndjeri mbante pantallona pune me ngjyrë hiri, një pullover të kuq, këpuca pune dhe një ombrellë të hapur me ngjyrë të kaltër

Vrasësi sipas policisë është 40-50 vjeçar, trupngjeshur, i veshur me xhinse, një xhaketë të errët dhe kapelë. Policia kantonale dhe e qytetit ka nisë një kërkim të madh dhe lutë qytetarët të lajmërojnë për çdo dyshim.

Update:12.35h

Burime të albinfo.ch bëjnë të ditur se vrari është H.S. i lindur në fshatin S. të Kamenicës me banim në Gjilan.

Motivi i vrasjes dyshohet të ketë qenë një ngatërresë e hershme familjare që ka të bëjë me një borxh nga jashtë por që nuk ka pasur të bëjë drejtpërdrejt me të.

Merret vesh poashtu  se i ndjeri ka punuar për shumë vite me radhë në St. Gallen pa letra pune duke lëvizur me lejeqëndrim të Francës, shkruan albinfo.ch