Një ditë zie në Kosovë

Dita e hënë, është shpallur ditë zie nga Presidentja e Kosovës, Vjosa Osmani

Presidentja e Republikës së Kosovës, Vjosa Osmani, në mbështetje të Kushtetutës së Kosovës, ka marrë vendim që dita e hënë, 26 korrik 2021, të shpallet ditë zie, shtetërore në nderim të qytetarëve të Republikës së Kosovës, të cilët kanë humbur jetën tragjikisht në aksident trafiku në Republikën e Kroacisë.

“Shkaku i kësaj ngjarje tragjike, Presidentja Osmani e ka ndërprerë vizitën në Japoni dhe nesër do të udhëtojë për në Kosovë”, thuhet në komunikatën drejtuar mediave.

Dhjetë persona kanë humbur jetën si pasojë e aksidentit tragjik në Kroaci dhe 30 persona kanë mbetur të lënduar, në një nga aksidentet më të rënda në vitet e fundit.

---