Nisin fluturimet nga aeroporti i Prishtinës

Fluturimet dhe aterrimet në Aeroportin Ndërkombëtar të Prishtinës “Adem Jashari” janë realizuar në orarin e paraparë për sot.

Shkaku i motit të lig fluturimet dhe aterrimet janë anuluar të martën mbrëma, përcjell albinfo.ch.

Dy fluturime janë realizuar nga Cyrihu, një nga Gjeneva, një nga Munihu dhe një nga Stambolli, derisa në përgjithësi janë paraparë të realizohen 36 fluturime.

Gjatë ditës së djeshme edhe aeroplani në të cilin ndodhej kryeministri i Kosovës, Ramush Haradinaj, nuk ka mundur të aterrojë. Haradinaj, i cili u nis nga Sofja, më pas shkoi në Shkup, dhe nga kryeqyteti maqedonas kanë ardhur me vetura me ekipin e Kosovës.