Nesër mbahet Samiti i Bërdo-Brionit, merr pjesë presidentja Osmani

Presidenti slloven, Borut Pahor do t’i pres në mëngjes liderët e vendeve të Evropës Juglindore, në samitin që ka për qëllim zhvillimin politik dhe të përgjithshëm në Evropën Juglindore.

Presidentja e Kosovës, Vjosa Osmani, do të marrë pjesë në Samitin e njëmbëdhjetë të liderëve të Procesit Bërdo-Brioni, që mbahet në Kranj të Sllovenisë.

Presidenti slloven, Borut Pahor, do t’i presë në mëngjes liderët e vendeve të Evropës Juglindore, në Samitin që ka për qëllim zhvillimin politik dhe të përgjithshëm në Evropën Juglindore, raporton Albinfo.ch.

Sipas Presidencës sllovene, sivjet ky Samit do të jetë një mundësi për të vlerësuar situatën aktuale në rajon dhe mbi të gjitha për t’u bërë thirrje anëtarëve dhe institucioneve të Bashkimit Evropian që të përshpejtojnë procesin e zgjerimit.

Kjo nismë e quajtur Procesi i Bërdo-Brioni u formua në vitin 2010 nga kryeministrat e atëhershëm slloven dhe kroat, Borut Pahor dhe Jadranka Kosor./Albinfo.ch

---