Nesër diskutohet për kërkesën e Kosovës për anëtarësim në KiE

Kreshnik Ahmeti, FB

Të martën, më 16 prill, do të diskutohet për kërkesën e Kosovës për anëtarësim në Këshillin e Evropës dhe votimi i draft opinionit në seancën pranverore të Asamblesë Parlamentare të Këshillit të Evropës (APKE.

Më 27 mars Komisioni Politik i PSSE-së ka miratuar draft-opinionin për kërkesën e Kosovës për anëtarësim në Këshillin e Evropës, të cilin ky organ do ta deklarojë nesër, më 16 prill, në seancën plenare.

Thuhet se rendi i ditës do të përcaktohet në ditën e parë të seancës.

Agjenda e plotë:

Dita 1:

Të hënën, më,15 prill 2024, nga ora 14:00 -15:15,  Komiteti për Barazi dhe Mosdiskriminim, te pika e katërt e rendit të ditës do të diskutojë raportin për aplikimin e Kosovës në APKE. Po ashtu, të njëjtën ditë, në Komitetin për Çështje Ligjore dhe të Drejta të Njeriut do të diskutojë raportin për aplikimin e Kosovës në APKE.

Dita 2:

Të martën, më 16 prill 2024, mbahet takimi i Asamblesë Parlamentare. Ky sesion pranveror i Asamblesë Parlamentare i Këshillit të Evropës është i një rëndësie historike. Këtë ditë, diku rreth orës 16:00, do të zhvillohet debat për aplikimin e Kosovës në Këshillin e Evropës. Në këtë sesion do të diskutohet raporti i znj. Dora Bakoyannis, i cili duhet të marrë 2/3 e votave të anëtarëve prezentë.

Asambleja Parlamentare i ka 46 shtete anëtare, me gjithsej 302 anëtarë, plus 306 zëvendësues. Janë 34 shtete që na kanë njohur, ndërsa 14 që nuk na kanë njohur. Në qoftë se votimi është i suksesshëm, i njëjti raport do të procedohet te Komiteti i Ministrave, takim i cili do të mbahet më 16 dhe 17 maj 2024.

Po ashtu, të martën, nga ora 10:30-12:30, Komiteti për Politikë dhe Demokraci, në sallën 9, do të diskutojë për raportin konsultativ për aplikimin e Kosovës në Këshillin e Evropës, për të cilin do të flasë raportuesja për Kosovën, znj. Bakoyannis. Në këtë takim do të paraqiten edhe dy raportet e tjera të dy komiteteve që kanë ndihmuar në hartimin e opinionit konsultativ./GazetaExpress