Nëntori, me numër rekord kontrabanduesish, shumica nga Kosova

Deri në fund të nëntorit roja kufitare zvicerane ka regjistruan gati dy herë më shumë kalime ilegale. Nëntori është muaji i ri rekord. Dhe rojat kufitare kapën më shumë kontrabandues si kurrë më parë.

Vetëm në nëntor rojat kufitare zvicerane kapen 4335 persona me qëndrim ilegal.

Në përgjithësi, roja kufitare zvicerane deri në fund të nëntorit kapen  27.672 persona me qëndrim ilegal. Bëhet fjalë për pothuajse dy herë më shumë se sa në vitin e kaluar, që ishin vetëm 14.265. Arsyeja për këtë thuhet të jetë  fluksi nga kriza e refugjatëve.

Pika e nxehtë mbetet kufiri lindor zviceran. Atje numrat u rriten nga 1562 në tetor, në 1717 në nëntor.

Edhe kufiri verior është duke përjetuar një bum të vërtetë. Në veri-perëndim brenda një muaji gati është trefishuar numri i refugjatëve,  nga 505 deri 1306 persona. Edhe në verilindje shifrat u rriten nga 86 deri në 481 persona.

“Ne jemi duke hasur gjithnjë e më shumë njerëz, veçanërisht shtetas afganë që vijnë nga Gjermania, duke bërë përpjekje për të hyrë në Zvicër”, thonë zyrtarët për Blick, përcjell albinfo.ch. Gjermania ka përkeqësuar  kushtet e azilit vetëm për afganët.

Në Ticino, rojat kufitare kapen vetëm 336 emigrantë të paligjshëm në nëntor. Në qershor, Ticino numëronte 1.835 persona me qëndrim të  paligjshëm.

Si një nga arsyet për rënien thuhet të jenë “kushtet meteorologjike në Mesdhe, të cilat e bëjnë kalimin më të vështirë”.

Megjithatë, pjesa italiane e Zvicrës, Ticino, gjatë gjithë vitit kishte pranuar më së shumti refugjatë, 10.475.

Sa i përket vendeve të origjinës të refugjatëve që kanë shkelur në tokën zvicerane, eritreanët me 5157 persona janë ende në krye të listës.

Por, afganët kanë zënë hapin, me 4861 persona në vendin e dytë. Pastaj vijnë sirianët. Afganët dhe sirianët vijnë kryesisht nëpërmjet kufijve verior dhe lindor në Zvicrës.

Eritreasit, qytetarët nga Somalia dhe gambianët vijnë nëpërmjet Ticinos.

Numri i dëbimeve nga rojat kufitare është rritur ndjeshëm. Deri në fund të nëntorit janë regjistruar 5900 raste. Gjatë gjithë vitit 2014 ka pasur vetëm 3589.

Roja kufitare kanë regjistruar një rekord të ri me kontrabaduesit! Deri në fund të nëntorit janë regjistruar  414 raste të  dyshuara. Gjatë gjithë vitit të kaluar kanë qenë vetëm 384, në vitin paraprak vetëm 211.

Shumica e kontrabanduesve vijnë nga Kosova (54), pastaj vijnë nga  Eritreja (47) dhe Siria (46). Megjithatë, edhe 32 zviceranë kanë qenë të dyshuar për kontrabandë.

“Sa më shumë refugjatë janë në lëvizje, aq më shumë njerëz janë aktivë në biznesin e tyre si kontrabandues, duke përfituar nga vuajtjet e emigrantëve”, thonë për blick autoritetet kufitare, transmeton albinfo.ch.