Maqedonia
Nëntë vjet burgim për ish-kryeministrin maqedonas, Nikolla Gruevski
Një gjykatë në Shkup dënoi të premten me nëntë vjet burgim ish-kryeministrin Nikolla Gruevski dhe me tre vjet burgim ish-ministrin e Transportit, Mile Janakievski, lidhur me rastin e shkatërrimit të paligjshëm të një ndërtese, pronë e një sipërmarrësi, në vitin 2012.
Për këtë rast gjyqësor të koduar si “TNT” iu dhanë dënime me heqje lirie edhe ish-kryetarit të komunës Gazi Babë të Shkupit dhe një inspektoreje ndërtimore të kësaj komune. Ata u dënuan me nga katër vjet burgim.
Sipas gjykatësit Ognen Stavrev, ish-kryeministri Gruevski dhe ish-ministri Manakievski kishin detyruar kryebashkiakun Toni Trajkovski dhe inspektoren Elisaveta Najdovska që ta rrëzojnë kompleksin ndërtimor të njohur si “Kosmos” të ish-politikanit Fiat Canovski, në shenjë hakmarrjeje për shkak të largimit të tij nga koalicioni qeveritar dhe bashkimit me opozitën e kohës.
Gjykatësi bëri një arsyetim të gjatë për shkakun e refuzimit të mbrojtjes së të akuzuarve që kishte të bënte me faljen e tyre nga ish-Presidenti maqedonas Gjorgje Ivanov, në vitin 2016.
Gjykatësi e quajti të pavlefshëm vendimin e ish-presidentit, ndërsa vendimi gjyqësor i së premtes i ngarkon të dënuarit që të bëjnë dëmshpërblimin me një vlerë prej dhjetë milionë eurosh kundrejt sipërmarrësit Canovski. Ndërkohë, ky i fundit kishte paralajmëruar që më parë se do të kërkonte dyzet milionë euro dëmshpërblim nga shteti dhe nga të akuzuarit.
Ndërsa avokati i ish-ministrit Janakievski paralajmëroi ankesë ndaj vendimit gjyqësor, ish-Kryeministri maqedonas, i cili u dënua në mungesë dhe ndodhet në Budapest të Hungarisë, shkruan në Facebook për “përndjekje absurde ndaj tij”.
Ky nuk është dënimi i parë për Nikolla Gruevskin e as për Mile Janakievskin.
Të ngjashme
Të tjera nga Maqedonia
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Austri
-
Sa vite duhet të punoni në Austri që të keni të drejtën e pensionit? Kur punoni në një vend tjetër, është e rëndësishme të njihni të drejtat tuaja – veçanërisht...
-
Austrian Airlines arrin marrëveshje pagash me punëtorët për të shmangur grevat e reja
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë
-
A mund të marr përfitime papunësie në Austri nëse jam i vetëpunësuar?
-
Bora zbardh Austrinë