Në Vjenë, pesë femra të vrara brenda një dite

Raportohet se brenda një dite, pesë femra të vdekura u gjetën në Vjenë, ku të gjitha viktimat thuhet se ishin si rezultat i vrasjeve, transmeton albinfo.at.

Në raportin e policisë së Vjenës thuhet se të premten (dje) pesë gra kanë humbur jetën, fillimishtë policia ka hasur dy vdekje të dyshimta në një banesë në rrugën Erdbergstrasse në Vjenë-Landstrasse, një grua 51-vjeçare dhe vajza e saj 13-vjeçare, qy dyshohet se ishin të vrara në ambientin e banesës ku jetonin.

Ende nuk është arrestuar askush për rastin e nënës së vrarë dhe vajzës së saj 13-vjeçare.

Në kërkim është bashkëshorti i 51 vjeçares, i cili më pas është zhdukur nga vendi i ngjarjes dhe për rrjedhojë është autor i mundshëm që ende nuk i dihet vendodhja sipas organeve të policisë.

Po ashtu, në orët e vona të mesnatës tri femra të reja u gjetën të vrara me thikë në një “erotik studio”,  në Engerthstrasse në Vjenë-Brigittenau.

Selia e policisë së shtetit fillimisht nuk dha asnjë informacion për kombësinë apo moshën e viktimave. Ato ishin femra të reja aziatike që punonin në “erotik studio” dhe ishin gjithashtu të disponueshme për vizita në hotel.

I dyshuari për këtë krim është një 27-vjeçar, kombësia e të cilit është afgan, sipas policisë së qytetit Brigittenau. /Albinfo.at