Shqipëria
Në Tiranë u bënë homazhe për 20-vjetorin e vrasjes së Azem Hajdarit
Në 20-vjetorin e vrasjes së Azem Hajdarit në Tiranë janë bërë homazhe nga krerë të institucioneve dhe nga ish-bashkëpartiakë të tij nga PD-ja.
Presidenti i Shqipërisë, Ilir Meta ka thënë se figura e Hajdarit duhet të na ftojë për të reflektuar dhe për të kuptuar se demokracia kërkon guxim, përcjell albinfo.ch.
“Populli ynë ka vuajtur shumë nga mungesa e demokracisë, është shumë e rëndësishme që kjo figurë shembulli i tij, frymëzimi i tij të gjenerojë një angazhim të më madh të të rinjve që kërkojnë më shumë mundësi dhe të luftojnë më shumë demokraci. Ata e kanë më të lehtë se Azem Hajdari”, ka thënë ai.
Ish-ministri i Jashtëm, Besnik Mustafaj, kishte zgjedhur një letër të përfytyruar të kujtonte mikun e tij Azem Hajdari me rastin e 20-vjetorit të vrasjes së tij.
“Kjo do të ishte letra që unë si shkrimtar dhe si mik për Azemin dhe jam i bindur se Azemi do i besonte kur t’i lexonte”, tha Mustafaj për letrën e përfytyruar, ku do t’i shkruante tri gjëra. Ai tha se e para është: “Vendi po shkon keq, i dashur Azem. Ëndrra jote për Shqipërinë si gjithë Evropa ka ngecur. Korrupsioni është bërë një gangrenë që bren moralin e shoqërisë dhe po pengon zhvillimin e ekonomisë. Krimi i organizuar funksionon si federatë kartelesh, duke e ndarë vendin në parcela për secilin kartel, sepse krimi i organizuar në fakt ka kapur shtetin”.
Në 20-vjetorin e vrasjes së Azem Hajdarit, ish-kryeministri Sali Berisha vlerësoi figurën e tij si epokale. Gjatë fjalës së tij në këtë përvjetor, Berisha tha se atë e ekzekutoi shteti me uniforma.
Po ashtu për nder të tij Partia Demokratike organizoi një simpozium dhe ekspozitë me titullin “Ëndrra e Azemit: Shqipëria si Evropa”.
E-Diaspora
-
Kaq mërgimtarë u regjistruan deri më 9 maj Ushtruesi i detyrës së drejtorit ekzekutiv të Agjencisë së Statistikave të Kosovës, Avni Kastrati, u shpreh...
-
Ambasada e Kosovës në Austri u bën thirrje mërgimtarëve që të regjistrohen
-
Heidi Heiz: Ndërtuese e urave në arsim – Nga asistentja, në menaxhimin e shkollës
-
“FjalaFest”, festivali i letërsisë shqipe në Milano
-
Osmani: Shqiptarët e Amerikës, ura më e fuqishme e aleancës Kosovë-SHBA
Jeta në Austri
-
Edhe Austria i kërkon Qeverisë së Kosovës draft-statutin në këmbim të anëtarësimit në KiE Ministria e Punëve të Jashtme të Austrisë kanë thënë se e përkrahin anëtarësimin e Kosovës në...
-
Austria kualifikohet në finale të Eurovizionit
-
Ambasada e Kosovës në Austri u bën thirrje mërgimtarëve që të regjistrohen
-
Kaleen performoi në skenën e Malmos, duke përfaqësuar Austrinë
-
Pse Austria nuk është në NATO?