Në Prishtinë do të ketë më shumë grafite

Drejtoria për Kulturë në Komunën e Prishtinës ka nënshkruan memorandum mirëkuptimi me OJQ Q’ART, e cila merret me artin në hapësira ose grafite. Kjo marrëveshje ka për synim që të shtohen aktivitetet kulturore të ndërlidhura me artin në hapësira publike në kryeqytet, përcjell albinfo.ch.

“Zhvillimi dhe zbatimi i programeve të reja arsimore me fëmijët dhe të rinjtë në Komunën e Prishtinës është një komponentë e rëndësishme për të rritur dhe theksuar talentin e të rinjve. Andaj, partnerët bien dakord të bashkëpunojnë në zbatimin e këtij programi si në vijim: Festivali Meetings of Style, është festival që mbledhë artistë të muraleve dhe grafiti artistë nga e gjithë bota me idenë e pasurimit të mureve me vepra artistike; Art në Hapësirat Publike, Përmes konkurseve apo një konkursi më të madh synohet nxitja e artistëve të jenë pjesëmarrës në realizim dhe ideim të veprave artistike nëpër hapësirat publike të Prishtinës”, thuhet në njoftim.

Kjo organizatë më herët ka bërë muralet në lagjen Mati 1 apo siç njihet tek rruga B.