Në gjendje të dehur sulmojnë policët

foto ilustruese

Dy burra janë arrestuar në Prizren pasi nën ndikim të alkoolit kanë sulmuar dy zyrtarë policorë.

“Janë arrestuar dy të dyshuar për shkak se të njëjtit nën ndikim të alkoolit kanë drejtuar veturën si dhe kanë sulmuar fizikisht zyrtarët policorë, derisa po legjitimoheshin. Dy zyrtarë policorë kanë pësuar lëndime të lehta trupore dhe të njëjtit kanë marrë tretman mjekësor”, thuhet në komunikatën e Policisë së Kosovës, përcjell albinfo.ch.

Të dyshuarit me vendim të prokurorit janë dërguar në mbajtje.