Nderohet aktori Stan Lee

Stan Lee, njeriu që i dha formë Marvel Comics, u nderua në Hollywood, nga qindra fansa si dhe të famshëm, në një natë të veçantë. 

Lee, i cili krijoi Spider-Manin, Iron Manin, Hulkun, Black Pantherin dhe shumë super-heronj të Marvel Comics, vdiq në nëntor të vitit të kaluar. 

Regjisorë, artistë, aktorë dhe muzikantë treguan se sa e respektonin atë. Në ngjarje kishte edhe prani ushtarake për të bërë homazhe ndaj shërbimit të Lee, në korpusin amerikan.  

Regjisori Kevin Smith e vlerësoi lart punën e Stan Lee. 

“Kjo nuk do të përsëritet kurrë më. Nuk mendoj se do ta shohim ndonjëherë atë lloj krijimtarie”, tha mes tjerash Smith. 

Ndërsa Joe Quesada, i cili shihet si pasardhës i Stan Lee në këtë industri, tha se ndihet i lumtur që pati rastin të bashkëpunonte me një legjendë të tillë. E, në mesin e të ftuarve ishte edhe vajza e tij. 

Të ftuarit tjerë ishin Laurence Fishburne, Wesley Snipes dhe Sean Gunn, si dhe Flavor Flav dhe Black Eyed Peas. Të ardhurat nga ky organizim do të shkojnë për të gjithë ata që kanë nevojë për ndihmë gjatë realizimit të ndonjë filmi komik.