Mustafi shënon në derbin e Londrës

Edhe Xhaka është shprehur i lumtur me fitoren e derbit duke ia dedikuar atë fansave. "Çfarë loje dhe çfarë rezultat i madh, nuk mund të ishte më e madhe se kjo"

Arsenali i Mustafit e Xhakës ka triumfuar në derbin e Londrës pasi mposhtën skuadrën rivale Tottenham Hotspur me rezultat 2:0 në Emirates Stadium, transmeton albinfo.ch. Skuadra që drejtohet nga Arsene Ëenger u tregua më e fortë se ajo e Mauricio Pochettino, duke e dominuar ndeshjen.  I rikthyeri nga lëndimi, Shkodran Mustafi, e hapi serinë e golave, ndërsa për 2:0 realizoi Alexis Sanchez në minutën 41’ që doli të ishte rezultati përfundimtar i ndëshjes.

Mbrojtësi Shqiptar i Arsenalit, Shkodran Mustafi është shprehur i lumtur në fitoren e derbit të Londrës që ishte i pari i këtij ekipi në tri sezonet e fundit, transmeton albinfo.ch.

Ai pas ndeshjes në një postim në facebook  ka thënë se “Londra është e Kuqe”.  “Performacë e madhe nga të gjithë ne sot … Unë mendoj se ishte ajo që ju e quani një rikthim të suksesshëm”, ka shkruar Mutafi në rrjetin social facebook.

Edhe mesfushori Granit Xhaka është shprehur i lumtur me fitoren e derbit duke ia dedikuar atë fansave. “Çfarë loje dhe çfarë rezultat i madh, nuk mund të ishte më e madhe se kjo. Punë e mirë nga të gjithë dhe veçanërisht tifozet që ishin fantastik”, ka shkruar Xhaka.