Mungesa e punëtorëve mund ta çojë gastronominë në vetëshërbim

Sektori i gastronomisë në Kosovë, ka kohë që po përballet me mungesë të punëtorëve.

Sektori i gastronomisë në Kosovë, ka kohë që po përballet me mungesë të punëtorëve. Madje, për shkak të kësaj mungese, kryetari i Odës Hotelerisë e Turizmit në Kosovë, Hysen Sogojeva paralajmëron një trend të ri të shërbimit.

Ai vlerëson së nëse vazhdon mungesa e punëtorëve, kafeteritë dhe gastronomia, do të kalojnë në sistemin vetë-shërbyes, raporton Albinfo.ch.

Tash e një kohë të gjatë Kosova po përballët me ikjen e punëtorëve jashtë vendit, derisa shumë kompani kanë filluar të ankohen për mungesë të fuqisë punëtore.

Trendit të ikjes së të rinjve drejt vendeve evropiane, pritet t’u bashkohen edhe mësimdhënësit. Madje sipas drejtuesve të SBASHK-ut, ikja e madhe do të ndodh pas liberalizimit të vizave. Në telashe të mëdha është gastronomia, e cila ka paralajmëruar se do të kalojë në sistemin vetë-shërbyes, nëse nuk nis të bie trendi i largimit të fuqisë punëtore.

Përveç telasheve me greva dhe rrezikut që procesi mësimor të mos nis nga fillimi i shtatorit, institucionet arsimore mund të përballen edhe me mungesë të mësimdhënësve.

Paralajmërimi është dhënë nga Sindikata e Bashkuar e Arsimit dhe Shkencës.

Kryetari i saj, Rrahman Jasharaj ka thënë se me liberalizimin e vizave, shumë mësimdhënës do ta lënë vendin e punës për të ikur drejt Evropës./Albinfo.ch/

---