MSH-ja ndanë pajisje për të gjitha klinikat e QKUK-së 

Qendra Klinike Universitare e Kosovës është pajisur me mjete të reja, vlera e të cilave ëstë 3.5 milion euro.

Ministria e Shëndetësisë  ka dorëzuar kontingjentin e parë të pajisjeve të reja të blera për të gjitha klinikat e Qendrës Klinike Universitare të cilat u tha se do të ofrojë më shumë shërbime mjekësore dhe më kualitative.

Vlera e këtyre pajisjeve është  3.5 milionë euro, ndërsa Ministri i Shëndetësisë, Uran Ismaili theksoi se do të ato do ta ndryshojnë gjendjen në këtë institucion shëndetësor.

Ministri deklaroi se pajisjet e reja u mundësojnë që pacientëve t’u ofrohen shërbime të reja dhe kualitative.Ndërsa drejtori i SHSKUK-së, Basri Sejdiu  ka thënë mekëto aparatura kanë qenë shumë të domosdoshme për funksionalizimin e të gjitha klinikave.

Deri në fund të këtij viti pritet që të vijnë edhe qindra shtretër me dyshekë, tavolinat operative, CT-ja e re, lampa operative etj.

---