Shëndetësi
Mjeku gjerman jep alarmin: Fëmijët po vdesin pasi nuk ka kuadër të mjaftueshëm
Mjeku superior për kujdes intensiv jep alarm: Fëmijët po vdesin sepse nuk po mund t'i pranojmë
E vërteta është e pamëshirshme dhe mjeku Michael Sasse thotë: Fëmijët po vdesin sepse nuk ka specialistë në klinikën e tyre. Sasse është një mjek superior në Shkollën Mjekësore të Hannoverit (MHH). Ai, aty punon në njësinë e kujdesit intensiv për fëmijë. Pacientët këtu kanë kancer, sëmundje të zemrës ose infeksione të rënda, shkruan “RTL”, përcjell Albinfo.ch. Ai i cili duhet të pranohet këtu, zakonisht është në rrezik akut për jetë. Përkundër shtretërve të lirë, vitin e kaluar MHH është dashur të refuzojë 417 fëmijë që do të mund të shpëtonin atje – që dmth më shumë se një fëmijë për një ditë. Sasse dhe kolegët e tij tani alarmojnë për shkak të situatës së çmendur.
“Ka prindër që na drejtohen neve dhe të kërkojnë që fëmija i tyre të operohet me ne”, ka thënë Sasse në një intervistë për TV Star, informon Albinfo.ch. Ai mund ta marr me mend se si ndjehen prindërit në ato momente. “Tre javë më parë kam realizuar një bisedë një orëshe në stacionin tonë, me një nënë, së cilës fëmijës i ishte lëvizur pesë herë termini i operacionit. Ishte shumë intensive”. Sasse i duhej t’ia shpjegonte asaj që herë pas here fëmijët e tjerë kishin përparësi, situata e të cilëve ishte edhe më e keqe. “Ky është ferri për prindërit, natyrisht”, vazhdon ai.
Njësia e pediatrisë e kujdesit intensiv i MHH-së, në Gjermani është më i madhi i këtij lloji Por në vend të 18 vendeve në dispozicion, aty ka vetëm 12 deri në 15 shtretër për një kohë të gjatë, informon më tej Albinfo.ch. Sasse dhe ekipi i tij nuk mund të përballojnë më shumë. Sepse, çdo pacient që qëndron këtu ka nevojë për vëmendjen e plotë të stafit, bëhet fjalë për jetë a vdekje. “Ne gjithashtu duhet të ofrojmë një cilësi”, thotë ai. Ekziston një rregull i qartë: Një infermiere mund të kujdeset për maksimum dy pacientë. Ky çelës rekomandohet gjithashtu nga Shoqata gjermane për mjekësinë intensive.
Të punësuarit këtu janë të mbingarkuar dhe duhet të raportojnë të sëmurë. Leja prindërore vështirë se mund të kompensohet. Megjithëse Sasse dhe ekipi i tij përpiqen të akomodojnë pacientët gjetiu. Por klinikat e tjera janë të njëjta.
Sipas Sasse, shumë spitale e shmangin problemin duke deklaruar se një infermier kujdeset për 4-5 pacientë, njofton Albinfo.ch. “Nuk mund ta përballojmë fare këtë situatë me këta fëmijë të sëmurë rëndë”, thotë Sasse. Edhe kur vjen puna se cilin fëmijë duhet pranuar, krijohen emocione: “Ky është një konflikt i rëndësishëm etik, pasi ne duhet të vendosë se kush ka shansin më të mirë për të mbijetuar”, përfundon Sasse.
E-Diaspora
-
Sot shfaqet në Cyrih filmi “The Land within”, i regjisorit Fisnik Maxville Filmi shfaqet në kuadrin e festivalit të filmit "Kino Kosova" që po mbahet në kinemanë RiffRaff...
-
“Kino Kosova”: Një realitet filmik i shikuar nga perspektiva femërore
-
Krasniqi sonte rikthehet në ring, përballet me boksierin portugez
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
Jeta në Austri
-
Çfarë më lejohet të bëj në ballkonin tim në Austri? Gjatë muajve të verës, mund të duket se çdo austriak jeton ekskluzivisht në ballkonet e tij...
-
Një përmbledhje e lajmeve më të fundit në Austri
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?