Mjedrat nga Podujeva eksportohen në Zvicër

Faqja ‘Mjedrat në Kosovë’ në rrjetet sociale ka njoftuar mjedrat nga Podujeva janë eksportuar në Zvicër, shkruan albinfo.ch.

Mjedrat janë eksportuar nga Muhamet Murati nga fshati Llapashticë i Podujevës.

Ai ka eksportuar në Zvicër 20 tonë mjedër, duke përfshirë këtu edhe të disa fermerëve tjerë.

“Sot është bërë eksporti i parë i mjedrave nga fermeri Muhamet Murati nga fshati Llapashticë, Podujevë. Muhameti tërë mjedrën e vjelur gjatë vitit e ka ruajtur në frigoriferë me kapacitet prej 5 tonë, ku mjedrën e tij dhe të disa fermerëve të tjerë (Mehmet Brymes, Feim Ibishit etj), në total prej 20 tonë e ka eksportuar për në Zvicër. Kjo iniciative e ndërmarr nga Muhameti duhet lavdëruar”, thuhet në njoftim.