Shqipëria
Ministri gjerman: Shqipëria ka përparuar
Gjermania përkrah qeverinë Rama dhe përpjekjet e saj për reforma dhe bën thirrje që tensionet e brendshme politike të mos e prishin rezultatin e deritanishëm të reformave sidomos në Drejtësi.
“Vendi juaj ka bërë përparime të mëdha në vitet e fundit dhe reforma të guximshme në fushën e drejtësisë, në luftën kundër krimit të organizuar dhe korrupsionit. Sidomos reforma në drejtësi ishte një sforcim i madh dhe meriton njohje”, – tha ministri gjerman i Punëve të Jashtëm, Heiko Maas, pas takimit të tij të parë me ministrin e Jashtëm shqiptar në detyrë, Gent Cakaj.
Ai vuri në dukje se këto reforma tani nuk duhet të mbeten në hijen e tensioneve politike, por të vijojnë, sepse ato u shërbejnë qytetarëve. “Konfliktet duhet të zgjidhen në kuadër të institucioneve demokratike”, tha ministri Maas në adresë të opozitës. “Bojkoti sipas mendimit tonë, është rrugë e gabuar”.
Maas tha se “është mirë që po vihet re një gatishmëri për dialog tek të dyja palët” dhe shtoi: “Nëse të gjithë aktorët veprojnë me përgjegjësi, atëherë demokracia shqiptare ka shansin të dalë më e fortë nga kjo krizë”, – tha ai duke pasur parasysh konfliktin e brendshëm aktual në Shqipëri mes pozitës dhe opozitës. “Dhe për këtë ne i urojmë sukses qeverisë”, – tha ministri.
Shefi i diplomacisë gjermane e përforcoi edhe njëherë pozitën e ministrisë së jashtme të Gjermanisë pro çeljes së negociatave me Maqedoninë e Veriut dhe Shqipërinë, duke argumentuar në adresë të skeptikëve dhe frenuesve se duhet mbajtur premtimi i dhënë një vit më parë, pasi të dy këto vende i kanë përmbushur kushtet. “Në se i kthejmë shpinën Ballkanit Perëndimor, këtë vakuum do ta mbushin fuqi të tjera”, – tha Maas. Ai pranoi se çelja e negociatave diskutohet në mënyra të ndryshme në vendet e BE-së, shkruan DW, përcjell Albinfo.ch.
Ministri i jashtëm në detyrë i Shqipërisë Gent Cakaj falenderoi Gjermaninë për mbështetjen dhe ritheksoi pozitën e qeverisë shqiptare për të mos ndryshuar datën e zgjedhjeve lokale. Cakaj tha se “axhenda progresive dhe përparimtare e Shqipërisë duhet të vazhdojë pa asnjë ndalesë dhe zgjedhjet për pushtetin vendor duhet të mbahen më 30 qershor. Ky është çelësi i përparimit të Shqipërisë në axhendën europiane”.
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Austri
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë? Jo vetëm ata që kanë lindur me pasaportë austriake duhet të kryejnë shërbimin ushtarak. Nëse jeni...
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj