Kosova

Mijëra kosovarë, edhe sot drejt Shqipërisë

E shtunë, 10 Prill 2021 - 15:20 albinfo.ch

Gjatë ditës së djeshme, por edhe në mëngjesin e sotëm ka pasur fluks të madh të kosovarëve që ia kanë mësyrë Shqipërisë për këtë vikend, transmeton albinfo.ch.

Duket se për këtë kanë ndikuar edhe masat e reja shtrënguese që Qeveria Kurti vendosi kundër pandemisë Covid-19.

Sipas Qendrës për Menaxhimin e Kujve, në Vërmicë mëngjesin e së shtunës janë krijuar kolona deri në 400 metra, teksa pritjet janë shtuar deri në 30 minuta për të kaluar në anën e Shqipërisë.

Sigurisht që kjo do të ndikojë negativisht si në ekonominë e vendit, ashtu edhe në përkeqësimin e situatës me Covid-19, pasi kthimi i tyre nga Shqipëria shton rrezikun për infektime të reja.