Mësimdhënësit në Kosovë, në grevë njëditore

Ka nisur greva e thirrur nga Sindikata e Bashkuar e Arsimit, ku gjatë ditës në shkollat fillore, të mesme dhe në 5 universitete që janë pjesë e kësaj sindikate nuk do të ketë mësim.

Kjo është greva e tretë brenda dy muajsh, që bëhet për shkak të moszbatimit të marrëveshjes të nënshkruar gjatë fushatës të qershorit 2015 nga partnerët e koalicionit dhe kësaj sindikate, përcjell albinfo.ch.

SBASHK-u ka kërcënuar se nëse pas grevës njëditore nuk reflekton Qeveria për t’i realizuar kërkesat e tyre, më 13 prill do të futen në grevë të përgjithshme.

Pika kryesore e marrëveshjes së qershorit, zbatimin e së cilës po e kërkon Sindikata është miratimi i Projektligjit për mësimdhënësit e viteve ‘90. Megjithatë, Ministria e Financave ka thënë se ata përkrahin ligjin, por ai duhet të kalojë në procedura të rregullta.