Mërgimtarët presin me orë të tëra në kufi

Edhe mërgimtarët që kanë shkuar drejt Shqipërisë kanë pritur me orë të tëra. Njëri ndër ta është shprehur për albinfo.ch se kanë pritur më shumë se dy orë, për shkak të protestave. Radha ka qenë e gjatë deri në dhjetë kilometra

Protestat që janë zhvilluar sot për taksat në Rrugën e Kombit, kanë shkaktuar shumë telashe në trafik.

Kështu udhëtarët nga Kosova që kanë dashur të shkojnë në Shqipëri kanë pritur me orë të tëra.

Edhe mërgimtarët që kanë shkuar drejt Shqipërisë kanë pritur me orë të tëra. Njëri ndër ta është shprehur për albinfo.ch se kanë pritur më shumë se dy orë, për shkak të protestave. Radha ka qenë e gjatë deri në dhjetë kilometra.

Kujtojmë se protestuesit kanë qenë shumë të dhunshëm dhe janë shprehur se do të protestojnë përsëri, pasi nuk pranojnë të paguajnë taksë për Rrugën e Kombit.

Protestuesit dogjën dhe shkatërruan sportelet e vjeljes së taksës së rrugës, të vendosura nga koncesionari, ndërsa paralajmëruan se do të rikthehen të bëjnë të njëjtën gjë, nëse do të rivendosen sërish në funksion.