Mehmedi nuk largohet nga Leverkusen

Sulmuesi shqiptar ka bërë të ditur se përkundër disa oferta nuk e ka ndërmend të largohet nga Bayer Leverkusen

Admir Mehmedi ka thënë se është i kënaqur në skuadrën aktuale, Bayer Leverkusen dhe nuk e ka ndërmend të largohet, shkruan albinfo.ch.

25-vjeçari është që dy vite në Bayern Leverkusen, ku në 25 paraqitje ka shënuar katër gola, por ai ka pasur shumë oferta nga skuadra të ndryshme, megjithatë ai vendosi të qëndroi në Bayern.

“Kam pasur disa oferta. Por për mua ishte e qartë se unë dëshiroja qëndrimin në këtë skuadër. Pas përgatitjes, kam pasur disa bisedime me trajnerin Roger Schmidt. Ai më tha që duhet të qëndroj për të pasur një shans”, ka thënë Mehmedi.

Ai është sulmuesi kyç i Zvicrës dhe kështu pritet të jetë edhe në kualifikimet e Botërorit “Rusia 2018”. Ai shënoi edhe një gol në Kampionatin Evropian ndaj Rumanisë.