Shqipëri
Media franceze “DestiMAG”: Zbuloni Shqipërinë, një udhëtim unik në zemër të Ballkanit
Shqipëria, xhevahiri i Ballkanit, zbulon hijeshitë e saj ende sekrete për udhëtarët e etur për aventura autentike, përcjell albinfo.ch.
Kur Quentin Billon dhe Alan Huet, themeluesit e agjencisë së udhëtimeve “Breathe in Travel”, të etur për aventura dhe zbulime, vizituan për herë të parë Ballkanin dhe një alkimi lindi menjëherë, shkruan e përditshmja franceze “DestiMAG”.
Dashuria e përbashkët për udhëtime i shtyu ata të eksploronin tokat e Ballkanit, por pikërisht në Shqipëri pasioni i tyre arriti kulmin.
Të magjepsur nga pasuria kulturore, diversiteti natyror dhe mikpritja e ngrohtë e shqiptarëve, ata vendosën të themelojnë “Breathe in Travel”, një agjenci që synon të jetë ura lidhëse mes udhëtarëve dhe vetë thelbit të Shqipërisë.
Quentin dhe Alan, me ekipin e tyre të përkushtuar, projektojnë turne që zhytin udhëtarët në zemrën e kulturës shqiptare, me aktivitete të personalizuara, takime të paharrueshme dhe akomodime piktoreske.
Shqipëria, shpesh e nënvlerësuar, zbulon thesaret e saj para vizitorëve të guximshëm.
Nga plazhet e Rivierës Shqiptare deri te malet madhështore të Alpeve Shqiptare, rrënojat antike të Butrintit dhe qyteteve historike të Gjirokastrës dhe Beratit, çdo cep i vendit ofron një aventurë unike.
“Breathe in Travel” punon ngushtë me komunitetet lokale për të siguruar që çdo udhëtim të kontribuojë pozitivisht në zhvillimin e qëndrueshëm të Shqipërisë. Agjencia ofron një përvojë të jashtëzakonshme në Shqipëri.
Udhëtimet e krijuara me kujdes i lejojnë udhëtarët të gërmojnë në shpirtin e vendit, të takojnë vendasit mikpritës dhe të krijojnë kujtime të paharrueshme. Me angazhimin e tyre për turizmin e përgjegjshëm, këta dy aventurierë po i hapin rrugën eksplorimit autentik dhe të respektueshëm të Shqipërisë, një thesar ballkanik që meriton të zbulohet.
Të tjera nga Shqipëri
E-Diaspora
-
Detaje nga rasti kur një shtetas nga Kosova vrau pronarin e biznesit në Dyseldorf Një vrasje me armë zjarri është regjistruar dje në qytetin e Dyseldorfit në Gjermani. Mësohet se...
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
Jeta në Austri
-
Gjithçka që ndryshon në Austri nga muaji maj Nga grevat dhe protestat, deri te festat publike (që janë shumë), këtu janë gjërat që do...
-
Katër liqene të bukura, tek të cilat mund të shkoni lehtësisht nga Vjena me transport publik
-
Sa vite duhet të punoni në Austri që të keni të drejtën e pensionit?
-
Austrian Airlines arrin marrëveshje pagash me punëtorët për të shmangur grevat e reja
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë