Më shumë se 20.500 votues të regjistruar në diasporë

Numri më i madh i qytetarë të regjistruar është në Bernë të Zvicrës, mbi 4 mijë, dhe në Venecia të Italisë, mbi 3 mijë

Komisioni Qendror i Zgjedhjeve në Maqedoni ka njoftuar se më shumë se 20.500 shtetas të Maqedonisë që jetojnë jashtë vendit janë regjistruar për të votuar në zgjedhjet e parakohshme parlamentare të 11 dhjetorit, përcjell albinfo.ch.

Sipas Komisionit Qendror të Zgjedhjeve numri më i madh i qytetarë të regjistruar është në Bernë të Zvicrës, mbi 4 mijë, dhe në Venecia të Italisë, mbi 3 mijë.

KSHZ për herë të parë pritet të hap vendvotim edhe në Abu Dabi të Emirateve të Bashkuara Arabe.

Tri vendvotime do të hapen në Zvicër dhe në shumë vende të tjera përfshirë këtu edhe Detroitin, Nju Jork, Melburnin dhe Romën.

Qendrat e votimit me më shumë se një mijë zgjedhës janë raportuar në Detroit dhe Nju Jork, Melburn, Australi, dhe në kryeqytetin italian Romë.

Në këto vendvotime do jenë të angzahuar punëtorë nëpër ambasada dhe përfaqësi konsullore derisa të tjerët do jenë anëtarë të propozuar nga partitë politike, shkruajnë mediat në Shkup, përcjell albinfo.ch.