Maqedonia

Mbretëria e Bashkuar ka njohur lejet e vozitjes së Maqedonisë

Zyrtarisht, bazuar në një marrëveshje të nënshkruar dypalëshe, Mbretëria e Bashkuar është vendi i nëntë në të cilin poseduesit e lejeve për vozitje të Maqedonisë që banojnë në territorin e këtij vendi nuk kanë nevojë për leje vozitje ndërkombëtare, tha ministri i Brendshëm, Oliver Spasovski, në profilin e tij në Facebook, përcjell albinfo.ch.

“Poseduesit e lejes së vozitjes të Maqedonisë, të cilët kanë rregulluar vendbanimin e përhershëm në territorin e Anglisë, Uellsit dhe Skocisë, me kërkesën e tyre mund t’i ndryshohet leja e vozitjes, duke filluar nga 20 maji i këtij viti, që do të thotë zgjidhje përfundimtare për këtë çështje të rëndësishme për qytetarët e Republikës së Maqedonisë së Veriut në Mbretërinë e Bashkuar, ndërsa pritet që shumë shpejt, kjo procedurë ligjore të pranohet nga autoritetet e Irlandës së Veriut. Kjo vlen për automjetet e përfshira në kategoritë B, B + E, F, K ose P, ose nënkategoria B1 dhe lëshohen nga Ministria e Brendshme në Republikën e Maqedonisë së Veriut”, shkroi Spasovski.