Mbi 80 aeroplanë me mërgimtarë pritet të vijnë sot në Kosovë

@chair

Ka disa ditë që pikat kufitare të Kosovës kanë qenë me kolona të gjata, shkak i ardhjes së mërgimtarëve. Por, fluks të madh të udhëtarëve ka edhe në Aeroportin Ndërkombëtar të Prishtinës “Adem Jashari”, shkruan albinfo.ch.

Së fundmi, zëdhënësja e aeroportit të Prishtinës, Valentina Gara, ka thënë se presin që deri në fund të festës “Viti i Ri” (janar – dhjetor 2023) të arrijnë një shifër prej 3.4 milionë udhëtarësh, ndërsa vetëm sot janë planifikuar 81 fluturime.

Ajo bëri të ditur se, edhe në ditën e fundit të vitit janë planifikuar mbi 60 fluturime vajtje- ardhje.

“Ne kemi një trend të vazhdueshëm të rritjes së numrit të udhëtarëve. Gjatë sezonit të dimrit ky trend vërehet më së shumti me rastin e festave. Pra 34 janë në arritje me datën 31 dhjetor si dhe 35 në nisje po më 31 dhjetor”, ka thënë Gara.

Ajo ka shtuar se Zvicra mbetet njëri ndër destinacionet me numrin më të madh të fluturimeve dhe udhëtarëve.