Mbahet Samiti i Investimeve në Ballkanin Perëndimor, pjesëmarrës edhe Kurti

Albin Kurti

Në Londër do të mbahet sot Samiti i Investimeve në Ballkanin Perëndimor 2024 në selinë e BERZH-it.

Kryeministri i Kosovës, Albin Kurti, bashkë me ministrin e Financave, Punës dhe Transferece, Hekuran Murati, e kanë konfirmuar pjesëmarrjen.

“Ai, së bashku me ministrin e Financave, Punës dhe Transfereve, Hekuran Murati, do të marrë pjesë në Samitin për Investime në Ballkanin Perëndimor 2024 të organizuar nga Banka Evropiane për Rindërtim dhe Zhvillim”, thuhet në njoftimin e Zyrës së Kryeministrit.

Qëllimi i Samitit është të nxjerrë në pah mundësitë për investime dhe biznes në rajonin e Ballkanit Perëndimor dhe të promovojë projekte rajonale dhe ndërkufitare.

Pika kryesore tradicionale e Samitit – “Sesioni i Kryeministrave”– do të shohë që liderët rajonalë dhe presidenti i BERZH-it t’i drejtohen audiencës me vizionin e tyre të përgjithshëm për rajonin, projektet kyçe rajonale dhe mundësitë për investime në nivel rajonal dhe në secilin të vendeve të rajonit, ku përfshihen Kosova, Shqipëria, Bosnjë e Hercegovina, Mali i Zi, Maqedonia e Veriut dhe Serbia./GazetaExpress