Mavraj nuk ka të ndalur

Mbrojtësi shqiptar, Mërgim Mavraj po shkëlqen me skuadrën e tij Koln, që renditet në vendin e dytë në Bundesliga me dy pikë pas Bayern Munichut

Mërgim Mavraj me skuadrën e tij, Koln nuk e kanë ndërmend të ndalen në Kampionatin gjerman të futbollit. Në javën e shtatë, skuadra e qendërmbrojtësit shqiptar e vijoi serinë e rezultateve pozitive duke mposhtur 2:1 Ingolstadin në shtëpi, shkruan albinfo.ch.

Mbrojtësi i Kombëtares shqiptare edhe në këtë ndeshje luajti 90 minuta dhe bëri detyrën duke e ndihmuar skuadrën e tij të ngjitet në vendin e dytë me 15 pikë, dy më pak se Bayerni i Munihut.

Bavarezët janë ndalur në një barazim 2:2 në Frankfurt përballë Eintrachtit. Për skuadrën e fundit, luajti edhe sulmuesi shqiptar, Shani Tarashaj, duke hyrë në lojë në minutën e 70-të. Ai është i huazuar nga skuadra angleze, Everton.

Hoffenhaimi mundi 2:1 Fraiburgun e Amir Abrashit. Mesfushori shqiptar mungoi në këtë ndeshje për shkak të një dëmtimi në kokë të pësuar të martën në stërvitje.