Mashtrohet Rita Ora, humbi mijëra funte

Rita Ora është një prej investitorëve të ndryshëm që kanë pasur të bëjnë me të dyshuarin dhe në total kanë humbur 2,3 milionë funte

Këngëtarja shqiptare, Rita Ora, mund të ketë humbur mijëra funte si pasojë e një mashtrimi nga një llogaritar, shkruajnë mediat britanike, përcjell albinfo.ch.

Policia britanike ka nisur hetimet, ku ka investuar 26-vjeçarja shqiptare. Ajo ka deklaruar se mijëra dollarë mungojnë nga llogaritë e saj.

26-vjeçarja kishte investuar para në një biznes me personin që i ka vjedhur 2.3 milionë dollarë nga llogaria e përbashkët.

Fqinjët e të dyshuarit pretendojnë se ai ka blerë sende me vlerë përfshirë këtu një Audi Q5, një Mercedes-Benz dhe një orë Rolex me vlerë 20,000 funte, raporton “The Sun”. Gjithashtu policia po heton edhe se si ai ka blerë një banesë me 5 dhoma gjumi me vlerë 900 mijë funte, pavarësisht të ardhurave të tij modeste.

I dyshuari, emri i të cilit ende nuk bëhet publik pretendon se shumat marramendëse që ka shpenzuar i ka fituar në një lotari online.

Sipas një burimi të “The Sun”, Rita Ora është një prej investitorëve të ndryshëm që kanë pasur të bëjnë me të dyshuarin dhe në total kanë humbur 2,3 milionë funte.