Maqedonia
Maqedonia nuk ka datë se kur do t’i vijnë vaksinat
Nga Ministria e Shëndetësisë, nuk kanë një datë të konkrete se kur Maqedonia do të marrë dërgesë të re të vaksinave.
Më herët ministri Venko Filipçe njoftoi se deri në fund të këtij muaji do të mbërrijnë, 20,000 vaksina nga “Pfizer” dhe 25,000 të tjera nga “Astra Zeneka” përmes mekanizmit Covaks, shkruan Alsat, përcjell Albinfo.ch.
Me vaksinat që janë në dispozicion, përkatësisht 3000 doza të “Sputnik” -it rus dhe donacionin nga Serbia të rreth 8,000 dozave “Pfizer”, imunizimi kryhet vetëm për personelit mjekësor.
“Procesi i shpërndarjes së vaksinave përmes mekanizmit Kovaks ka filluar. Publiku do të informohet në kohë të duhur, për datën e saktë të mbërritjes në vendin tonë. Për shkak të rritjes së numrit të pacientëve të shtruar në spital dhe nevojës për të shtuar stafin në pavijonet infektive, imunizimi i punonjësve shëndetësorë, që punojnë me pacientët me Covid aktualisht është duke vazhduar dhe do të vazhdojë”, njoftojnë nga Ministria e Shëndetësisë.
Megjithëse vende si Danimarka, Norvegjia, Italia dhe Islanda kanë ndaluar vaksinimin me Astra Zeneka, si masë parandaluese, për shkak të dyshimeve për mpiksje të gjakut, Organizata Botërore e Shëndetësisë është e mendimit se nuk ka asnjë arsye për të pezulluar këtë vaksinë.
Nga Agjencia Evropiane e Barnave gjithashtu thanë se Astra Zeneka nuk kishte asnjë lidhje me mpiksjen e gjakut. Autoritetet tona shëndetësore thonë se po ndjekin nga afër rekomandimet.
“Disa vende kanë vazhduar vaksinimin me Astra Zeneka, të tilla si Gjermania dhe Franca, ndërsa Spanja nuk ka ndalur aspak. Disa vende kanë ndaluar përkohësisht vaksinimin. Vendi ynë do të ndjekë udhëzimet dhe rekomandimet e Agjencisë Evropiane të Mjekësisë, dhe Organizatës Botërore të Shëndetësisë, dhe do të veprojë në përputhje me rekomandimet e reja”, thonë nga Ministria e Shëndetësisë.
Ndërkohë, kërkohet takim urgjent midis vendeve anëtare të Bashkimit Evropian, për shpërndarjen e vaksinave. Në një letër të përbashkët, Austria, Bullgaria, Letonia, Sllovenia dhe Republika Çeke i kërkojnë Brukselit, që të ketë një shpërndarje më të drejtë të vaksinave edhe në BE.
Të tjera nga Maqedonia
E-Diaspora
-
Tifozët Kuq e Zi protestojnë para FSHF-së, kundërshtojnë organizimin e përbashkët Shqipëri-Serbi Tifozat Kuq e Zi kanë protestuar mëngjesin e kësaj të hëne para zyrave të Federatës Shqiptare...
-
Diskutohet institucionalizimi i mësimit plotësues të gjuhës shqipe në Konfederatën e Zvicrës
-
Puna në qiell të jep ndjenjën e paqes
-
Hapet në Toronto Java e Kulturës së Kosovës
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
Jeta në Austri
-
A do të kufizojë Hallstatt i Austrisë turizmin këtë sezon? Një nga fshatrat më të bukur dhe më të mbushur me njerëz të Austrisë po kërkon...
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?