Madagaskari njeh Kosovën

Pacolli ka pranuar zyrtarisht Notën Verbale të njohjes së Republikës së Kosovës si shtet i pavarur dhe sovran nga Republika e Madagaskarit, pas një takimi që zhvilloi me homologun e tij nga ky shtet, në margjina të takimit të vendeve të Frankofonisë, që po mbahet në Paris

Kosovës i ka ardhur sot një njohje e re. Shteti ishulli Afrikës Juglindore, Madagaskari ka njohur Kosovën, ka bërë të ditur zëvendëskryeministri dhe Ministri i Punëve të Jashtme i Kosovës, Behgjet Pacolli.

“Urime Kosove, faleminderit Madagaskar. Nga sot Kosova dhe Madagaskari kanë nga një mik më shumë. Falënderimet e mia të sinqerta për popullin, Presidentin dhe Qeverinë e Madagaskarit”, ka shkruar kryediplomati i Kosovës në një postim të tij në Facebook.

Pacolli ka pranuar zyrtarisht Notën Verbale të njohjes së Republikës së Kosovës si shtet i pavarur dhe sovran nga Republika e Madagaskarit, pas një takimi që zhvilloi me homologun e tij nga ky shtet, në margjina të takimit të vendeve të Frankofonisë, që po mbahet në Paris, shkruan koha.net.

Në kuadër të këtij takimi, të dy bashkëbiseduesit kanë shprehur zotimet e tyre të dyanshme për thellimin e bashkëpunimit në mes dy vendeve dhe dy popujve si edhe vendosjen e marrëdhënieve diplomatike për t’i hapur rrugë përfaqësimit diplomatik në nivel Ambasadorësh në mes dy vendeve respektive.

Madagaskari është një shtet i madh ishull në brigjet juglindore të kontinentit të Afrikës me 24.89 milionë banorë. Kryeqytet ka Tananariven.