Macron, vizitë olimpike në Lozanë

Presidenti francez vjen në Lozanë për të mbrojtur ofertën e Parisit për Lojërat Verore Olimpike 2024. Një vizitë, e cila do të zhvillohet nën masa të rrepta sigurie, ku asgjë nuk i është lënë në dorë fatit.

Avioni presidencial do të aterrojë sot, të hënën, pasditen e hershme dhe do të kthehet për në Francë të mërkurën në mesditë. Agjenda e vizitës së ashtuquajtur “flash” e Emmanuel Macron premton të jetë e ngjeshur me shumë takime. Presidenti francez do të kalojë gati dy ditë në kantonin e Vaud-it për një mision të caktuar: për të mbështetur dhe mbrojtur ofertën e Parisit për Olimpiadën Verore 2024 kundër Los Angeles.

Edhe pse qyteti mikpritës do të emërohet më 13 shtator në Lima  të Perusë, ditët e ardhshme do të jenë vendimtare, sepse përbëjnë fazën e parafundit të procesit të përzgjedhjes. Me një madhësi të re, ka shanse që të martën, për herë të parë në histori, Komiteti Olimpik Ndërkombëtar (IOC) të vendosë të ndryshojë rregullat, duke bërë një emërtim të dyfishtë. Pra, të përcaktojë për Lojërat Verore 2024 dhe 2028 dy qytetet konkurruese, çështja e vetme e këtij revolucioni të mbështetur nga Thomas Bach, president i IOC-së.

Për të dy delegacionet, ende konkurruese, që ëndërrojnë të bëhen mikpritëset e Lojërave Verore, është gjithashtu një mundësi për t’i takuar të gjithë anëtarët e Komitetit Olimpik Ndërkombëtar (IOC) në të njëjtin vend.