Leuthard: Referendum për të rregulluar marrëdhëniet me BE-në

Keystone

Referendumi në Zvicër do të sqarojë marrëdhëniet e vendit me Bashkimin Evropian, tha presidentja zvicerane, Doris Leuthard, pas mosmarrëveshjeve të fundit me BE-në. Ministri i Jashtëm, Cassis, gjithashtu ka plane: ai dëshiron të krijojë një sekretariat për çështjet evropiane.

Zvicra tani duhet të qartësojë marrëdhëniet e saj me BE-në, tha Doris Leuthard, në një intervistë me “SonntagsBlick”.
Zvicra ka nevojë për një mekanizëm për të rregulluar marrëdhëniet me BE-në. “Kjo gjithashtu do të parandalonte lojëra të tilla politike, siç po përjetojmë në këtë moment”.

Të enjten, Komisioni i BE-së miratoi afatin kohor për bursat zvicerane. Sipas Leuthard, ky “incident i fundit” tregon se Zvicra duhet të zgjerojë angazhimin e saj “për të dëgjuar më mirë interesat tona në vendet e BE-së dhe në Bruksel”.
Disa vende anëtare të BE-së dëshirojnë të vënë Zvicrën në të njëjtën ‘tenxhere’ me Britaninë e Madhe dhe të bëjnë një shembull për të, tha Leuthard. Të tjerët donin të parandalonin forcimin e qendrës financiare zvicerane. E gjithë kjo e bën situatën të vështirë.

Në të kundërt, çështjet e BE-së duhet të fitojnë më shumë peshë edhe në Gjermani. Një ide konkrete se si mund të arrihet kjo është dhënë nga ministri i Jashtëm, Ignazio Cassis. Ai i kishte paraqitur jozyrtarisht Këshillit Federal planin e tij për krijimin e një sekretariati për çështjet evropiane, tha Leuthard në këtë intervistë, përcjell albinfo.ch.