Lajçak flet për dialogun Kosovë-Serbi para vendeve anëtare të KiE-së

Emisari i Bashkimit Evropian për dialogun Kosovë-Serbi, Miroslav Lajçak, ka folur para shteteve anëtare të Këshillit të Evropës mbi procesin.

Lajçak tha se aty foli mbi gjendjen aktuale të dialogut Kosovë-Serbi.

“Kënaqësi të kthehem në Këshillin e Evropës në Strasburg pas gati dy vjetësh. E vlerësova mundësinë për të informuar shtetet anëtare të BE-së për situatën aktuale dhe sfidat përpara në dialogun e lehtësuar nga BE.  Uniteti i BE-së është kyç për të forcuar pozicionin tonë politik në Ballkanin Perëndimor”.

Më herët misioni i Francës në KiE tha se e mbështet Lajçakun në “në kuadër të aplikimit për anëtarësim të Kosovës”.