Kuvendi i Mitrovicës së Veriut mbështeti sërish hapjen e urës së Ibrit

Asamblistët e Kuvendit të Mitrovicës Veriore sot e kanë mbështetur vendimin për hapjen e urës mbi lumin Ibër, i cili ishte marrë në prill të vitit 2023.

Kështu tha në një prononcim për Telegrafin asamblistja e Kuvendit Komunal të Mitrovicës së Veriut nga radhët e Lëvizjes Vetëvendosje (LVV), Aida Doli.

“Po, është diskutuar dhe ne si Kuvend i qëndrojmë mbrapa vendimit që e kemi marrë në prill të vitit të kaluar”, ka thënë Doli.

Ndryshe, ky vendim është marrë në muajin prill të vitit 2023 në Kuvendin e Komunës së Mitrovicës Veriore.