Bota
15 vjet burg atyre që shpërndajnë “lajme të rreme” për ushtrinë ruse në Ukrainë
Sipas ligjit të miratuar në parlament të premten, kushdo që përhap "informacion të rremë" për ushtrinë që aktualisht lufton në Ukrainë mund të dënohet deri në 15 vjet burg
Presidenti rus Vladimir Putin ka nënshkruar disa ligje që kufizojnë më tej lirinë e shprehjes në vend. Sipas një ligji të miratuar në parlament të premten, kushdo që përhap “informacion të rremë” për forcat e armatosura ruse që aktualisht luftojnë në Ukrainë mund të dënohet deri në 15 vjet burg.
Sipas një ligji tjetër, personat që “denigrojnë” publikisht ushtrinë ruse mund të mbahen gjithashtu përgjegjës.
Sipas Kremlinit, Putin nënshkroi gjithashtu një ligj në fuqi që liston dënime për ata që kërkojnë sanksione që kufizojnë të drejtat e qytetarëve rusë, shkruan srf.ch. Qindra njerëz dhe kompani të shumta tashmë janë sanksionuar nga Perëndimi për shkak të sulmit të Rusisë ndaj Ukrainës.
Sipas ligjit të ri, iniciatorëve të këtyre sanksioneve do t’u ndalohet hyrja në Rusi. Pasuritë e tyre financiare dhe të tjera do të konfiskohen. Dhe atyre u ndalohet të bëjnë biznes në Rusi.
BBC thotë se po pezullon përkohësisht raportimin e saj në Rusi, transmeton albinfo.ch. Sfondi i këtij pezullimi është futja e ligjit që parashikon dënime me burg për shpërndarjen e qëllimshme të informacionit “të rremë”, shpjegon drejtori i përgjithshëm i BBC, Tim Davie.
Ligji duket se kriminalizon gazetarinë e pavarur. “Siguria e punonjësve tanë është parësore dhe ne nuk jemi të gatshëm t’i vëmë ata në rrezik të ndjekjes penale vetëm për të kryer punën e tyre.” Shërbimi i lajmeve i BBC në rusisht do të vazhdojë të funksionojë nga jashtë vendit.
Të ngjashme
Të tjera nga Bota
E-Diaspora
-
Kush është gruaja që ju flet shqip kur fluturoni me CHAIR? Nga prezantuese në radio, në këngëtare e moderatore e disa emisioneve të njohura, ajo njihet si njëri...
-
Kurti: Diaspora, urë lidhëse për investime direkte
-
Gjestila Mehmetaj, një model frymëzimi për rininë shqiptare në mërgim
-
Kanë mbetur vetëm edhe dy ditë për t’u regjistruar diaspora
-
Merakli t’kerreve: U ndihmojmë mërgimtarëve veçmas në kufij
Jeta në Austri
-
Si po e bën Austria më të lehtë imigrimin e punonjësve të huaj shëndetësorë? Plakja e popullsisë së Austrisë dhe mungesa e punonjësve të kujdesit shëndetësor janë ndër sfidat kryesore...
-
A mund të blejnë të huajt prona në Austri?
-
A mund të marr nënshtetësinë austriake dhe të lëviz menjëherë jashtë vendit?
-
Kandidatja austriake për eurodeputete viziton Zubin Potokun
-
Kandidati për eurodeputet, Lukas Mandl vizitoi meshën shqipe në Vjenë